Topi i Artë, Flick zgjedh Yamal: Kushdo që e sheh, e kupton se e meriton

Hansi Flick nuk ka dilema për emrin që, sipas tij, duhet të fitojë Topin e Artë. Trajneri i Barcelonës ka mbështetur Lamine Yamal për çmimin prestigjioz, pas paraqitjes së tij në fitoren 5-1 ndaj Feyenoord në Champions League.

Flick e konsideron Yamal një lojtar të veçantë dhe beson se talenti 19-vjeçar e meriton trofeun individual.

“Është lojtari im dhe sigurisht që mendoj kështu. Ai e meriton Topin e Artë. Është një lojtar i jashtëzakonshëm, special. Kushdo që i sheh ndeshjet e tij e kupton se ai e meriton”, tha Flick.

Yamal ishte protagonist në suksesin e Barcelonës ndaj Feyenoord, duke shënuar një gol nga goditja e dënimit dhe duke dhënë dy asistime. Forma e tij ka bërë që të jetë një nga kandidatët kryesorë për Topin e Artë të vitit 2026.

Trajneri gjerman ka ndryshuar kështu qasjen e tij të kujdesshme ndaj garës për çmimin, duke dalë hapur në mbështetje të sulmuesit të Barcelonës.

Ceremonia e Topit të Artë do të zhvillohet më 26 tetor në Londër, ndërsa Yamal është mes 30 kandidatëve për çmimin.