Topi thirrje per marreveshjen e Ohrit
Presidenti Bamir Topi, kerkoi dje ne Maqedoni, vemendjen per realizimin e kornizes se realizimit te Marreveshjes se Ohrit ne vitin 2001, e cila eshte realizuar me vullnetin e te gjitha partive politike ne Maqedoni dhe qe do te kontribuonte ne ekuivalencen e plote te te gjitha te drejtave, qe ka cdo njeri dhe cdo qytetar i Maqedonise. Gjate takimit me homologun e tij Gjorgje Ivanov, kreu i shtetit tha se realizimi i kesaj marreveshjeje do te kontribuonte ne ruajtjen e stabilitetit dhe te marredhenieve qe ekzistojne mes te gjithe faktoreve njerezore ne Republiken e Maqedonise. "Une jam i bindur qe te gjithe faktoret duhet te kontribuojne per kete ceshtje per te qene te gjithe serioze ne zbatimin e kesaj marreveshjeje e cila pati edhe bekimin e nderkombetareve", theksoi ai. Dy presidentet, u shprehen se te dy vendet ndajne objektivin e perbashket per integrimet euroatlantike dhe kjo me qellim te nje stabiliteti te qendrueshem te dy vendeve. Si Topi dhe Ivanov, bashkepunimi duhet te vazhdoje edhe ne integrimin e dy vendeve ne Bashkimin Evropian dhe ne integrimin e te gjitha vendeve qe do e perforcojne stabilitetin. "Folem per mbeshtetjen reciproke qe Shqiperia dhe Maqedonia i bejne njera-tjetres, per organizata nderkombetare ne kuadrin e OKB-se, apo ne kuadrin e OSBE-se", shtoi Topi.