Tragjedia me 76 viktima në resortin e skive, MEPJ: Jemi në solidaritet të thellë me Turqinë
Përmes një reagimi në rrjetin social “X” në lidhje me tragjedinë në Bolu, Ministria për Evropën dhe Punët e Jashtme të Republikës së Shqipërisë ka shprehur solidaritetin e thellë me Turqinë.
Në postimin në “X”, MEPJ shprehet se Shqipëria dhe populli shqiptarë janë në solidaritet me Turqinë teksa përcjell ngushëllimet për familjarët e viktimave.
Reagimi i plotë i MEPJ:
Zemërthyer nga lajmi i zjarrit tragjik në resortin e skive të Kartalkaya në Turqi, ku janë humbur shumë jetë njerëzish!”
Në këtë moment të vështirë, Shqipëria dhe populli i saj janë në solidaritet me Turqinë, dhe përcjellim ngushëllimet më të sinqerta ndaj familjeve të viktimave, ndërsa urojmë rekuperim të shpejtë për personat e dëmtuar!
76 persona humbën jetën nga zjarri në një resort skish në Turqi. Ndërkohë 51 të tjerë janë lënduar.