Trajneri i Argjentinës zgjedh të preferuarin për “Topin e Artë”

Trajneri i Argjentinës, Lionel Scaloni, ka kërkuar që “Topi i Artë” t’i jepet sulmuesit të Interit Lautaro Martinez.

Sipas Scalonit, çmimi kryesor individual i takon Martinezit për sezonin e mirë që e kaloi me Interin dhe Argjentinën. “Lautaro Martnnez e meriton Topin e Artë më shumë se kushdo tjetër. Ai ka pasur një vit shumë të mirë. Shënoi në finale, ishte golashënuesi më i mirë i Kupës së Amerikës dhe e meriton më shumë se kushdo tjetër.

Shpresoj se do t’i takoj atij ky çmim. Ai është një djalë që e vlerësoj shumë dhe shpresoj që ta ketë këtë mundësi, i cili nëse jo tani, do të vijë më vonë sepse ai ka ende një të ardhme të madhe përpara”, ka thënë Scaloni, shkruan të martën “Bein Sports”..

Më shumë nga Sporti