Trazira në Kuvajt, mbi 100 të lënduar

Mijëra njerëz kanë zbritur në sheshin qendror të Kuwait City, për të protestuar kundër ndryshimit të një ligji zgjedhor. Agjentët e policisë kanë përdorur kundër tyre gaz lotsjellës dhe plumba gome, në mënyrë që të ndalonin marshimin drejt selisë qeveritare.

Protesta ka nisur pasi sheiku Sabah al-Ahmad al-Sabah shpërbeu parlamentin e dominuar nga partitë opozitare. Qeveria shpalli zgjedhje të reja më 1 dhjetor, me një ligj që opozita pretendon se është kundër saj.

Parlamenti i Kuvajtit ka shumë pushtet krahasuar me vendet e tjera të Gjirit dhe anëtarët e opozitës kritikojnë hapur regjimin e familjes Sabah, familje që e drejton Kuvajtin prej 250 tashmë vitesh.