U arrestuan gjatë tubimit të PD, Apeli liron 4 protestuesit

Gjykata e Apelit në Tiranë ka vendosur të lirojë nga qelia katër protestuesit e arrestuar pas tubimit të Partisë Demokratike më 17 prill. Vendimi i sotëm i kalon ata nga masa e sigurisë “arrest me burg” në “detyrim paraqitje”.

Në listën e personave të liruar përfshihen K.Ç., B.T., H.Sh., M.T. dhe S.B., të cilët u vunë në pranga pas akteve të dhunës gjatë protestës.

Tubimi i PD-së u shoqërua me tensione, ku protestuesit hodhën molotovë dhe fishekzjarrë në drejtim të Kryeministrisë. Përplasjet me policinë sollën katër të lënduar, mes tyre edhe një efektiv, të cilët u dërguan në Spitalin Universitar të Traumës për trajtim mjekësor.

/rtsh.al/