U plagos në një lokal në “Komunën e Parisit”/ Ndërron jetë në spital Edmond Papaj

Edmond Papaj, i cili u plagos në një lokal në zonën e Komunës së Parisit, u transportua në gjendje të rënë në Spitalin e Traumës.

Burime për Vizion Plus bëjnë me dije se Papaj ka ndërruar jetë në spital, pak minuta pas mbërritjes.

Deri tani nuk dihet arsyet e ngjarjes, ndërsa policia po punon për identifikimin e autorit.

Tiranë/Informacion paraprak

Rreth orës 16.30, në rrugën “Fadil Bodinaku”,  në lokalin në pronësi të shtetasit V. Sh., një person ende i pa identifikuar ka qëlluar me armë zjarri pistoletë shtetasin E. P.,  49 vjeç, i cili si pasojë e plagëve të marra ka ndërruar jetë në spital.

Në vendin e ngjarjes ndodhet grupi hetimor dhe po punon për sqarimin e rrethanave të ngjarjes dhe identifikimin e autorëve.

Shërbimet e Policisë po vijojnë kontrollin e zonës për të bërë të mundur kapjen e autorit.