U rrëzua nga shkallët e banesës, 74-vjeçari në Durrës humb jetën teksa po transportohej për tek Trauma

Një 74-vjeçar ka humbur jetën, teksa është rrëzuar nga shkallët e banesës.

Në një njoftim për mediat, policia bën me dije se i moshuari humbi jetën gjatë transportimit me autoambulancë, nga spitali i Durrësit në spitalin e Traumës.

“Më datë 09.02.2026, ka humbur jetën gjatë transportimit me autoambulancë, nga spitali i Durrësit në spitalin e Traumës, shtetasi H. D., 74 vjeç, i cili dyshohet se është dëmtuar pasi është rrëzuar nga shkallët e banesës”, njofton policia./vizionplus.tv