UEFA skualifikon malazezët e Arsenal Tivat me 10 vite

Klubi malazez Arsenal Tivat është përjashtuar nga garat e UEFA-s për dhjetë vjet dhe është gjobitur me gjysmë milioni euro për manipulim ndeshjesh që përfshinin baste të paligjshme gjatë një ndeshjeje kualifikuese për Ligën e Konferencës UEFA 2023/24.

Komiteti i Kontrollit, Etikës dhe Disiplinës (CDC) i federatës evropiane ka siguruar prova për manipulim ndeshjesh në ndeshjen e korrikut 2023 kundër ekipit armen Alashkert, kur pati një fluks të dyshimtë bastesh për një rezultat +5 për Alashkert, i cili në fakt fitoi 6-1.

UEFA gjithashtu ka dhënë pezullime të përjetshme për dy lojtarë të Arsenal, Nikola Celebic dhe Cetko Manojlovic, dhe një zyrtar të klubit, Ranko Krgovic. Dy lojtarë të tjerë, Radule Zivkovic dhe Dusan Puletic, janë përjashtuar për dhjetë vjet.