Uashingtoni vazhdon operacionin kundër kontrabandistëve, 4 të vrarë në një sulm në Karaibe –

Karaibe, për të cilën inteligjenca tregonte se ishte e përfshirë në trafik droge, tha Komanda Jugore e ushtrisë amerikane (SOUTHCOM).

“Task Forca e Përbashkët e Hemisferës Perëndimore kreu një sulm vdekjeprurës kinetik ndaj një anijeje me shpejtësi të lartë që operonte në rrugët e vendosura të trafikimit të drogës në Karaibe. Inteligjenca e konfirmuar tregoi se anija ishte e përfshirë në mënyrë aktive në trafikimin e drogës. Katër narko-terroristë u vranë në këtë operacion”, tha SOUTHCOM në një deklaratë në platformën e saj X, raporton Reuters.

Në deklaratë thuhej se anija me sa duket ishte e përfshirë në trafik droge.

Sulmi është pjesë e një fushate të nisur vitin e kaluar nga administrata e Presidentit të SHBA-së, Donald Trump, kundër trafikantëve të drogës, dhe dhjetë ditë më parë tre persona u vranë në një operacion të ngjashëm në Karaibe, sipas burimeve ushtarake amerikane.

Që nga fillimi i fushatës, më shumë se 220 persona janë vrarë në “Operacionin Shtiza Jugore” të ushtrisë amerikane kundër anijeve në Karaibe dhe Paqësorin Lindor që inteligjenca amerikane tregonte se transportonin drogë.