Udhërrëfyesi i vizave për Kosovën, Zhbogar: Në pranverë

Ka mbetur edhe pak ditë deri në nisjen e stinës së verës, e kosovarëve ende u premtohet se në pranverë do ta marrin udhërrëfyesin. Këtë premtim e ka përsëritur udhëheqësi i zyrës së BE-së në Kosovë, Samuel Zhbogar, gjatë vizitës në Komunën e Gjilanit.

Ai tha se BE-ja është këtu që t`i dëgjojë problemet e qytetarëve të Kosovës në mënyrë që të ndihmojë integrimin e tyre në këtë bashkësi.

Sa i përket zhvillimeve në veri të vendit, Zhbogar tha se këto çështje më së miri do t`i zgjidhte qeveria e Kosovës nëpërmjet negociatave të vazhdueshme me palët.