Urgjenca e Gjirokastrës pret 60 pacientë në 24 orë – Shtohen virozat, ulen rastet me Covid-19

Virozat dhe Covid-19 janë rastet që paraqiten më shpesh në urgjencën e spitalit të Gjirokastrës këto ditë shtatori.

Mjeku Bledar Çela, thotë se në të dyja rastet është dhënë mjekimi i duhur i cili u është rekomanduar për tu vazhduar edhe në shtëpi.

Pavarësisht se Covid nuk ka agresivitetin e dikurshëm është treguar kujdes me pacientët kryesisht ata që kanë probleme me mushkëritë dhe zemrën.

“Qarkullojnë viroza dhe pjesa më e madhe janë mjekuar në shtëpi por një pjesë kanë marrë mjekim në urgjencë. Rastet me Covid kryesisht kanë qenë me temperaturë, dhembje futi etj.”, shprehet mjeku.

Po çfarë rekomandojnë bluzat e bardha në këto raste?

“Do të shihni temperaturën dhe do të merrni një mjekim paraprak për të qetësuar temperaturën. Nëse temperatura do të vazhdojë të jetë e lartë atëherë duhet të kërkojnë ndihmë mjekësorë”, tha Çela.

Urgjenca e Gjirokastrës pret në 24 orë rreth 60 pacientë me patologji të ndryshme, ku sigurisht një pjesë të mirë e zënë virozat e stinës.

Gazetare: Y.Ponde

/rtsh.al/