Uruguaji, Valverde kërkon falje: Marr përgjegjësi të plotë

Mesfushori i Real Madridit dhe kapiteni i Uruguajit, Federico Valverde, shkroi në Instagram për të kërkuar falje pas eliminimit të ekipit nga Kupa e Botës. Kanë kaluar disa ditë që nga eliminimi im dhe vetëm tani mund të filloj të përpunoj gjithçka që kam përjetuar, edhe pse e di që është një pjesë e imja që ndoshta nuk do ta kalojë kurrë një eliminim tjetër në raundin e parë si ai që pësova në Kupën e Botës në Katar. Ky gjemb është ende i ngulitur brenda meje. Ndjej një përgjegjësi të madhe ndaj vendit tim”.

“Është një krenari që më mbush shpirtin. Bëra gjithçka që kisha në dorë. U përgatita fizikisht dhe emocionalisht dhe u përpoqa të mos e përsërisja atë që ndodhi, duke punuar shumë gjatë gjithë sezonit. Por, me sa duket, nuk ishte e mjaftueshme. E pranoj humbjen. Marr përgjegjësi të plotë që nuk kam qenë në gjendje të përmbush detyrën time ndaj ekipit kombëtar dhe ndaj jush”.

“E pranoj dështimin tim dhe e di që nuk isha në gjendje ta përballoja. Por për asnjë arsye në botë nuk do të heq dorë nga përfaqësimi i vendit tim, edhe nëse kjo më kushton jetën time. Nuk e di si ose kur, por betohem për jetë se nuk do ta lë këtë ekip kombëtar pa e çuar atë në majë të botës”.