Ushtria izraelite hedh poshtë pretendimet për varreza masive në Gaza
Ushtria izraelite ka hedhur poshtë akuzat për varrime masive dhe ekzekutime të mundshme të palestinezëve në spitalin Nasser në Rripin e Gazës, duke sqaruar se trupat e varrosur atje janë ekzaminuar si pjesë e kërkimit për pengje.
“Akuzat se ushtria izraelite varrosi trupat e palestinezëve është e pabazë”, thuhet në deklaratën e ushtrisë, duke shtuar se trupat u kthyen në vendin e varrimit pas ekzaminimit.
“Ekzaminimi është kryer në mënyrë të kujdesshme dhe ekskluzivisht në vendet ku shërbimet e inteligjencës kanë raportuar për praninë e mundshme të pengjeve. Ekzaminimi është kryer me kujdes me respekt dhe duke ruajtur dinjitetin e të ndjerit”.
Nga ana e tij, Komisioneri i Lartë i OKB-së për të Drejtat e Njeriut ka kërkuar një hetim ndërkombëtar për varrezat masive të zbuluara në dy spitalet më të mëdha në Rripin e Gazës dhe thotë se është i tronditur nga shkatërrimi i spitalit Al-Sifa në qytetin e Gazës dhe Nasser në Han Younis.
Në një deklaratë, Komisioneri i Lartë Fowler Turk theksoi nevojën për “hetime të pavarura, efektive dhe transparente” në kontekstin e “klimës mbizotëruese të mosndëshkimit”./vizionplus.tv