V E N D I M PËR NJË NDRYSHIM DHE NJË SHTESË NË VENDIMIN NR.589, DATË 5.9.2007, TË KËSHILLIT TË MINISTRAVE, “PËR RUAJTJEN DHE SIGURIMIN E OBJEKTEVE MË TË RËNDËSISHME SHTETËRORE”, TË NDRYSHUAR

V E N D I M PËR NJË NDRYSHIM DHE NJË SHTESË NË VENDIMIN NR.589, DATË 5.9.2007, TË KËSHILLIT TË MINISTRAVE, “PËR RUAJTJEN DHE SIGURIMIN E OBJEKTEVE MË TË RËNDËSISHME SHTETËRORE”, TË NDRYSHUAR

Në mbështetje të nenit 100 të Kushtetutës dhe të shkronjës “dh”, të nenit 4, të ligjit nr.9749, datë 4.6.2007, “Për Policinë e Shtetit”, me propozimin e ministrit të Brendshëm dhe të ministrit të Ekonomisë, Tregtisë dhe Energjetikës, Këshilli i Ministrave

V E N D O S I:

1. Në lidhjen 1, që i bashkëlidhet vendimit nr.589, datë 5.9.2007, të Këshillit të Ministrave, të ndryshuar, bëhen ky ndryshim dhe kjo shtesë:

a) Përmbajtja e numrit rendor 12 ndryshohet,  si më poshtë  vijon:

“12. Rafineria e Ballshit (KPTHN) të ruhet dhe të sigurohet nga Policia e Shtetit deri në përfundimin e procesit të privatizimit dhe dorëzimit të objektit nga Ministria e Ekonomisë, Tregtisë dhe Energjetikës.”.

b) Pas numrit rendor 13 shtohet numri 14, me këtë përmbajtje:

 “14. “Tipografia ushtarake”, sha, person juridik, në varësi të Ministrisë së Brendshme.”.

2. Ngarkohen Ministria e Brendshme dhe Ministria e Ekonomisë, Tregtisë dhe Energjetikës për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”.

K R Y E M I N I S T R I

SALI BERISHA