VIDEO/ Atmosferë miqësore: Italianët ‘përgjërohen’, tifozët shqiptarë u thyejnë makaronat para syve
Atmosfera para ndeshjes Itali-Shqipëri i ka dhënë një pamje si kurrë më parë Dortmundit. Sinergjia mes tifozëve të dy vendeve duket tejet pozitive.
Në një video të siguruar nga Report Tv duket një moment qesharak mes italianëve dhe shqiptarëve.
Tifozët kuq e zi thyejnë makaronat para syve tifozëve italianë, ndërsa këta të fundit vazhdojnë shakanë, duke ju “përgjëruar” shqiptarëve të mos e bëjnë.
Kujtojmë se vendi fqinj personifikohet me këtë ushqim si një gatim ekskluziv tradicional.