VIDEO/ Ishte me Metën në makinë kur e arrestuan, Artemis Peci e viziton në qeli, i çon ushqime dhe çokollata

Kreu i Partisë së Lirisë, Ilir Meta ka pasur vizita në qeli mëngjesin e sotëm.

Ka qenë sekretari organizativ i PL, Artemis Peci ai që ka shkuar të takojë ish-presidentin sot në bllokun e sigurisë te “Mine Peza”. Siç duket në pamjet e siguruara nga Vizion Plus, ai i ka çuar Metës ushqime dhe çokollata.

Peci ishte në makinë me Metën kur atë e arrestuan ditën e djeshme në vendin e quajtur “Kthesa e Kamzës.

Në një deklaratë për mediat, Peci tha se mendoi se do i grabisnin në momentin që i ndaluan, pa e kuptuar se kishin të bënin me policë.

Ndërkohë, ditën e djeshme Metën e vizitoi edhe djali i tij i madh në praninë e avokatit Genc Gjokutaj. /vizionplus.tv