Forcat ajrore izraelite kanë kryer një seri sulmesh ajrore në portin Hodeida në perëndim të Jemenit. Në port ka shpërthyer një zjarr i madh gjersa janë publikuar video në rrjetet sociale.
Ushtria izraelite ka konfirmuar goditjet, duke deklaruar se janë kryer si përgjigje ndaj një sulmi me raketa nga lëvizja Ansar Allah (Huthi).
Javën e kaluar, forcat izraelite kishin bombarduar kryeqytetin jemenas Sana dhe provincën veriperëndimore al-Jauf.
Houthit, të cilët kontrollojnë shumicën e bregdetit jemenas në Detin e Kuq, pas operacioneve izraelite në Gaza kanë filluar të sulmojnë anijet që lidhen me Tel Avivin.
pic.twitter.com/C1n6aRF1bb
— Video X (@videoxtr) September 16, 2025
Si pasojë, trafiku përmes Kanalit të Suezit është reduktuar ndjeshëm. Lëvizja gjithashtu sulmon territorin izraelit me raketa dhe dronë, duke e justifikuar veprimtarinë e saj si mbështetje për palestinezët.
Sot, një komision ndërkombëtar i pavarur i OKB-së për hetimin e ngjarjeve në territorin palestinez të pushtuar e ka shpallur veprimin izraelit në Gaza si gjenocid. Sipas raportueses së posaçme të OKB-së për Palestinën, Francesca Albanese, numri i viktimave civile në Gaza mund të arrijë deri në 680 mijë. Izraeli i përgjigjet rregullisht me sulme raketore ndaj Jemenit. Përveç objektivave ushtarake, nga sulmet e ushtrisë izraelite preken edhe objekte civile.
