Vazhdon rritja e borxhit
Heqja e kufirit ligjor të borxhit po inkurajon rritjen e shpejtë të
detyrimeve të Qeverisë përtej parashikimeve. Në vetëm dy javë nga heqja e
kufirit, borxhi është rritur tre herë nga parashikimi duke
paralajmëruar një vit të vështirë për financat e vendit.
Pak ditë më parë Qeveria miratoi një Akt Normativ, që fillimisht e rriste borxhin publik me vitin 2012 me 7 miliardë lekë më shumë se parashikimi në Buxhet. Por Akti u ndryshua sërish në minutat e fundit duke i shtuar borxhit edhe 1.2 miliardë lekë të tjera përmes të cilave Qeveria do paguajë shpërblimin e tkurrur të fundvitit për pensionistët prej 2 mijë lekësh.
Për pasojë borxhi publik i vendit në fund të këtij viti shkon në 61.2 për qind e Prodhimit Kombëtar, ndërsa në 2013 me deficitin e parashikuar në buxhet ai nuk ndalet më tek kufiri 62.6 për qind siç pati pretenduar Qeveria, por shkon në 63.2. Këtu nuk përfshihen garancitë që do të jepen vitin e ardhshëm për Korporatën Elektroenergjetike, me të cilat shifra e borxhit mund të rritet minimalisht edhe 1 pikë përqindje më shumë.
Por edhe kjo shifër nuk është e sigurtë, në një vit zgjedhor dhe kur llogaritë e borxhit janë bërë mbi supozimet optimiste të qeverisë për rritjen ekonomike. Ekspertët patën paralajmëruar që në fillim se shfuqizimi nga parlamenti i ligjit që kufizonte huamarrjen e Qeverisë do inkurajonte rritjen e shpejtë të tij pa patur më një pikë orientuese. Një situatë që sipas tyre vë në rrezik stabilitetin financiar të vendit.
Pak ditë më parë Qeveria miratoi një Akt Normativ, që fillimisht e rriste borxhin publik me vitin 2012 me 7 miliardë lekë më shumë se parashikimi në Buxhet. Por Akti u ndryshua sërish në minutat e fundit duke i shtuar borxhit edhe 1.2 miliardë lekë të tjera përmes të cilave Qeveria do paguajë shpërblimin e tkurrur të fundvitit për pensionistët prej 2 mijë lekësh.
Për pasojë borxhi publik i vendit në fund të këtij viti shkon në 61.2 për qind e Prodhimit Kombëtar, ndërsa në 2013 me deficitin e parashikuar në buxhet ai nuk ndalet më tek kufiri 62.6 për qind siç pati pretenduar Qeveria, por shkon në 63.2. Këtu nuk përfshihen garancitë që do të jepen vitin e ardhshëm për Korporatën Elektroenergjetike, me të cilat shifra e borxhit mund të rritet minimalisht edhe 1 pikë përqindje më shumë.
Por edhe kjo shifër nuk është e sigurtë, në një vit zgjedhor dhe kur llogaritë e borxhit janë bërë mbi supozimet optimiste të qeverisë për rritjen ekonomike. Ekspertët patën paralajmëruar që në fillim se shfuqizimi nga parlamenti i ligjit që kufizonte huamarrjen e Qeverisë do inkurajonte rritjen e shpejtë të tij pa patur më një pikë orientuese. Një situatë që sipas tyre vë në rrezik stabilitetin financiar të vendit.