Vdekja tragjike e ushtarëve amerikanë/ Kryeministri Rama: Lutjet tona janë me familjet e tyre, Shqipëria është krah SHBA

Kryeministri Edi Rama ka reagur në platformën X lidhur me humbjen tragjike të jetëve të katër ushtarëve amerikanë gjatë stërvitjes ushtarake në Lituani.
Rama u shpreh se kjo ngjarje është një kujtesë e dhimbshme për rreziqet që hasin ata që shërbejnë dhe se Shqipëria është pranë Shteteve të Bashkuara.

“Lajme tragjike nga Lituania. Humbja e ushtarëve amerikanë gjatë stërvitjes ushtarake të fundit është një kujtesë e dhimbshme për rreziqet që përballen ata që shërbejnë.

Mendimet dhe lutjet tona janë me familjet e tyre. Si gjithmonë, Shqipëria është pranë Shteteve të Bashkuara dhe Komandantit të saj të Përgjithshëm.”, shkruan Rama.

/ abcnews.al

Tragic news from Lithuania. The loss of U.S. soldiers during the recent military exercise is a painful reminder of the risks borne by those who serve. Our thoughts and prayers are with their families. As always, Albania stands with the United States and its Commander-in-Chief…

— Edi Rama (@ediramaal) March 31, 2025