Veliaj takon në SHBA ish-ambasadorin Arvizu: Mik i vyer dhe avokat i përjetshëm i Shqipërisë

TIRANË, 28 shtator /ATSH/ Kryebashkiaku i Tiranës, Erion Veliaj, e ka mbyllur vizitën në Shtetet e Bashkuara të Amerikës (SHBA), me një takim me ish-ambasadorin amerikan në Tiranë, Aleksandër Arvizu.

Në foton e publikuar nga vetë kryebashkiaku i Tiranës, Veliaj shkruan se ish-ambasadori i SHBA, mbetet një mik i vyer dhe avokat i përhershëm i Shqipërisë.

“Nuk mund të largohesha nga SHBA pa u takuar edhe me një mik të vyer dhe të mirë si Ambasadori Alex Arvizu, avokati i përhershëm dhe i zëshëm i Shqipërisë dhe shqiptarëve”, shkruan Veliaj.

Tirana ishte pjesë e panelit të OKB-së për Zhvillimin e Qëndrueshëm të Qyteteve në Nju Jork.

Paneli koordinohet nga kryebashkiakët e Parisit dhe Rio de Janeiro dhe ka për qëllim zhvillimin e mekanizmave inovativë dhe reformave politike për të siguruar akses më të madh të qyteteve në financimin e qëndrueshëm.

/a.f/