Verdiktet e Premier Ligës, 6 skuadra në Champions
Ka përfunduar sezoni i rregullt i Premier Ligës angleze dhe kanë ardhur tashmë verdiktet zyrtare të sezonit. Kampionati anglez do të përfaqësohet me 6 skuadra në Champions League sezonin e ardhshëm.
Kampionët e Liverpulit, Arsenali, Manchester City, Çelsi dhe Newcastle siguruan pjesëmarrjen në kompeticionin më të rëndësishëm europian për klube nga kampionati (renditja përfundimtare), por në Champions kualifikohet edhe Tottenham si fituesi i Europa League.
Crystal Palace ndoëse mbylli kampionatin në vendin e 12-të do të luajë në Europa League sezonin e ardhshëm falë suksesit historik në Kupën FA. Në Europa League do të luajë edhe Aston Villa, ndërsa Nottingham Forest do të luajë në Conference League.