Video- Arrestohet autorja e sulmit në Stamboll/ Ministri i brendshëm turk: Pas aktit terrorist qëndrojnë kurdët

Ky është momenti kur forcat speciale turke vënë në pranga autoren e dyshuar të sulmit terrorist në Taksim të Stambollit. Sulmi i djeshëm me çantë-bombë la të vdekur 8 persona ndërsa 81 të tjerë u plagosën.

Bombayı bırakan kadın teröristle birlekte gözaltı sayısı 46 oldu. Operasyonlar sürüyor…#istiklalcaddesi #bomba #taksimpatlama #SonDakika pic.twitter.com/gnRujhPPYQ

— İsmail Umut Arabacı (@ismailumut) November 14, 2022

Autoritetet turke njoftuan se gjatë kontrollit në banesën e saj u gjetën armë dhe municione artizanale. Sipas tyre autorja e dyshuar është me origjinë siriane dhe gjatë marrjes në pyetje pranoi se ishte trajnuar nga rebelët kurdë, ndërsa numri total i të arrestuarve ka arritur në 46 persona.

Ministri i Brendshëm turk, Sulejman Sojlu reagoi ashpër pas sulmit. Ai tha se Turqia nuk i pranon ngushëllimet e Shteteve të Bashkuara dhe nëse terroristët nuk do arrestoheshin ato do ishin arratisur në Greqi.

SULEYMAN SOYLU

 

MINISTRI I BRENDSHËM TURK

 

Ne nuk i pranojmë ngushëllimet e Ambasadës Amerikane. I refuzojmë ato. Ne e dimë se çfarë ka ndodhur. Në dëgjimin teknik pas incidentit, udhëzimi i organizatës terroriste ishte shumë i qartë në drejtim të vrasjes së terroristit. Urdhri për sulmin terrorist vdekjeprurës erdhi nga veriu i Sirisë, ku PKK ka selinë e saj. Ne do të hakmerremi kundër atyre që janë përgjegjës për këtë sulm të tmerrshëm terrorist.

Në mediat turke janë publikuar pamjet e momentit të të dyshuarës, e cila qëndronte në rrugën Taksim për rreth 40 minuta, më pas ajo largohet me shpejtësi dhe pak minuta më pas ndodh shpërthimi.