Video- Digjet furgoni i udhëtarëve në Korçë/ Pronari: Zjarrëvënie e qëllimshme

Një automjet tip furgon është djegur në orët e para të mëngjesit të sotëm në qytetin e Korçës.

Mjeti, i cili ka qenë në pronësi të Renato Torollarit, ka qenë e parkuar pranë banesës së këtij të fundit.

Furgoni i firmës “Morava 93” ka qenë mjet për transportin e udhëtarëve. Vetë pronari, i cili është persona pa precedent penal, deklaron në polici se nuk ka konflikte me asnjë njeri, ndërsa thekson se zjarri ka qenë i qëllimshëm.

Korçë/Informacion paraprak

Më datë 26.09.2022, rreth orës 03:00, në lagjen nr. 17, Korçë, ka rënë zjarr në mjetin tip furgon në pronësi të shtetasit R. T., banues në Korçë, i cili ishte i parkuar në afërsi të banesës.

Grupi hetimor po punon për sqarimin e rrethanave të ngjarjes dhe përcaktimin e shkaqeve të rënies së zjarrit.