Video- Grida Duma jep dorëheqjen si deputete/ Gjekmarkaj dhe Açka “shpërthejnë” në lot

Grida Duma lajmëroi sot se dorëzoi mandatin e deputetes, të cilin e fitoi në zgjedhjet e 25 prillit 2021.

Në daljen për media, Duma tha se bëi gjënë e duhur për veten, partinë dhe demokratët.

“Pak çaste më parë kam dorëzuar formalisht dhe zyrtarisht shkresën për lënien e mandatit të deputetes. Pas një reflektimi të gjatë, për të bërë të duhur për partinë time dhe votuesit që përfaqësoj, ky është vendimi i duhur. Mendoj se në politikë fatet individuale vlejnë të konsiderohen dhe rimendohen vetëm kur shkojnë në një kahje me fatet e njerëzve që përfaqësojmë. Kurrë e kundërta, megjithëse është bërë. Fati i njerëzve që përfaqësoj është misioni që zgjodha. Më e thjeshta do të ishte që të kisha qëndruar. Ka nga ata që po presin skutave të përgjojnë për shansin e tyre të humbur t’i ndrijnë parave. Mund të qëndroja thjesht për të mbijetuar, mund të bëja sikur nuk e shoh luftën e jashtme, por shumë vite në politikën e vijës së parë, nuk i jam larguar përgjegjësisë dhe as betejës, madje kam qenë e para, “, tha Duma.

Largimin e Dumës, duket se kolegët e saj nuk e kanë pritur mirë.

Në videon e siguruar nga Vizion Plus, shihet Agron Gjekmarkaj dhe Flutura Açka, të cilët kanë qenë të pranishëm në sallën ku Duma mbajti konferencën për media, kanë “shpërthyer” në lot.