Vigjilja e shumepritur, spekulime per daten

Kuvendi i Kosoves do te shpalle pavaresine me se largu deri me 17 shkurt. Zyrtare kosovare, te cituar mbreme nga RTK, thane se kane mbeshtetjen e Uashingtonit dhe Brukselit per te shpallur pavaresine, menjehere pas perfundimit te zgjedhjeve presidenciale ne Serbi. Nderkaq, per shkaqe te koordinimit nderkombetar, si data me e mundshme permendet 17 shkurti, qe i bie dite e diel. Datat e mundshme per shpalljen e pavaresise se Kosoves jane te qarta per lidershipin kosovar, por ato vazhdojne te mbahen sekret, per shkak te zgjedhjeve presidenciale ne Serbi, qe mbahen te dielen, me 3 shkurt.
Nga zyrtare te larte kosovare, RTK tha se ka mesuar se e diela e 17 shkurtit eshte data me e mundshme kur Kuvendi i Kosoves do te shpalle pavaresine. Keta zyrtare, per Televizionin publik te Kosoves, kane bere te ditur se tashme procesi ka hyre ne fazen finale dhe se kane sinjale te qarta nga Uashingtoni dhe Brukseli per te proceduar me kete akt. Ata thone se pavaresia mund te shpallet edhe pas 11 ditesh, varesisht se si do te koordinohen aktivitetet diplomatike nderkombetare, por 17 shkurti eshte data e fundit.
Kjo date duket e favorshme per dy arsye kryesore: e para, ka te bej me ate se, eshte dite e diel dhe se menjehere pas shpalljes se pavaresise, do te fillojne njohjet e para, me ne krye Sllovenine.
Nje dite me pas, Keshilli i Ministrave te BE, do te mund te miratoje dergimin e misionit ne Kosove, pasi me rastin e shpalljes, kosovaret do te ftojne kete mision. Nje gje e tille do te ndodhe para takimit eventual te KS, qe sipas te gjitha gjasave do te mbaj mbledhje urgjente me kerkese te Rusise. Por, takimi i KS, nje dite pas shpalljes se pavaresise, nuk do te kete efekt madhor, pasi ne ate dite, Kosova do te kete njohjen e disa shteteve.