Vithkuq, gjenden të ngrirë dy të rinj

Dy të rinj janë gjetur të ngrirë nga temperaturat e ulëta në fshatin Vithkuq, të Korçës.

Të rinjtë, 17 dhe 18 vjeç, kanë ndenjur të bllokuar gjithë natën nga bora. Aktualisht ata gjenden në spital, ku një prej tyre është në gjendje të rëndë.

Ata mbetën të bllokuar në dëborë teksa tentuan të shkonin në një fshat të thellë të zonës. Familjarët sinjalizuan policinë pas mungesës së gjatë të dy djemve.