Vizat, PE: Propozimi ne 2010, nese plotesoni kushtet

Presidenca suedeze dhe Komisioni Europian prezantuan ne Strasburg propozimin per liberalizimin e vizave me Maqedonine, Malin e Zi dhe Serbine.

Ne nje debat te zhvilluar me eurodeputetet e Parlamentit Europian, Cecila Mallmstrom, ministrja suedeze per çeshtjet europiane, tregoi se reformat qe u jane kerkuar vendeve per liberalizimin e vizave jane te njejta me ato qe kerkohen edhe per integrimin e tyre ne BE.

“Procesi i liberalizimit te vizave do t’i afroje me shume popujt e ketyre vendeve me ato te Bashkimit Europian”, mesohet te jete shprehur Mallmstrom, vendi i te ciles mban Presidencen e radhes se BE-se.

Nese do t’i kene plotesuar kushtet e duhura, Komisioni ka premtuar qe ne mesin e vitit 2010 do te propozoje heqjen e vizave edhe per Shqiperine dhe Bosnjen, te cilat mbeten pas kete vit, ne menyre qe qytetaret e ketyre dy vendeve te mund te levizin lirshem ne fillim te vitit 2011.

Ndersa Kosova eshte i vetmi vend per te cilin do te duhet te kaloje ende shume kohe qe te perfitoje nga heqja e vizave.