Vizat në janar, Spindelegger: Do të ishte jo realiste

Gjatë një konference shtypi, duke folur për liberalizimin e vizave, ministri austriak theksoi se do të ishte jo realiste që Shqipëria të përfshihej në procesin e liberalizimit të vizave pa plotësuar kushtet.

“Nuk do të ishte realiste që më 1 janar Shqipëria të përfshihej në këtë proces. Sa më shpejt të plotësohen kushtet, aq më shpejtë Shqipëria do të përfitojë”, tha kryediplomati austriak.

Ai shtoi se Austria do ta mbështesë rrugën e Shqipërisë drejt Komitetit Evropian. Sipas tij, Shqipëria dhe disa vende ballkanike janë duke bërë një punë të mirë për të arritur standardet. “Gjithashtu, Shqipëria duhet të bëjë një punë të mirë për të plotësuar kushtet”, vijoi më tej Spindelegger, duke nënvizuar se Shqipëria ka bërë hapa në liberalizimin e vizave.