Vlera e Realit sa buxheti i shtetit shqiptar

Me një vlerë të përafërt me buxhetin e shtetit shqiptar në një vit, Reali i Madridit është klubi me vlerën më të lartë në botë, shpalli “Forbes”, një revistë e specializuar për studimet ekonomike, ditën e enjte.

Në renditjen e publikuar prej revistës, gjigantët spanjollë u vendosën në krye të listës, e cila merr parasysh vlerën e aseteve, marketingut, futbollistëve, pronave në zotërim të klubit, kapitalet, detyrimet, të drejtat televizive, përfitimet nga pozicionet në kampionate e kupa të Europës dhe të dhëna të tjera financiare. Në total, vlera totale e Realit u përllogarit në 3,3 miliardë dollarë, lehtësisht inferiore ndaj 3,8 miliardëve, që përbënë buxhetin e shtetit shqiptar për vitin aktual. Në vendin e dytë pozicionohet Manchester United, ndjekur nga Barcelona. Kjo është renditja e “Forbes”, për 20 klubet me vlerën më të lartë në botë, e shprehur në milionë dollarë. 1. Real Madrid           3 300 2. Manchester United  3 165 3. Barcelona              2 600 4. Arsenal                 1 326 5. Bayern Munchen     1 309 6. Milan                       945 7. Chelsea                   901 8. Juventus                  694 9. Manchester City        689 10. Liverpool                651 11. Tottenham             520 12. Schalke 04             498 13. Borussia Dortmund  456 14. Inter                      401 15. Lyon                      368 16. Corinthias               358 17. Napoli                    330 18. Hamburg                300 19. Marseille                285 20. Newcastle               263