Vlorë, protestë për muzeun hebraik! Banorët kërkojnë që të ndërtohet në një vend tjetër

Disa banorë të Vlorës janë mbledhur sërish në protestë pranë muzeut hebraik, duke kundërshtuar projektin për ndërtimin e tij në zonën e qendrës historike të qytetit.

Protestuesit kërkojnë anulimin e vendimit të Këshillit Bashkiak, duke argumentuar se ndërtimi i muzeut në këtë zonë mund të dëmtojë historinë dhe identitetin e qytetit të Vlorës.

Sipas tyre, vendndodhja e përzgjedhur është shumë pranë qendrës historike dhe hapësirave me rëndësi për vlorën dhe klubin “Labëria”.

Qytetarët shprehen se kundërshtimi i projektit nuk do të mbyllet me këtë protestë.

Ata kërkojnë që të shqyrtohen alternativa të tjera për ngritjen e muzeut hebraik, përpara marrjes së një vendimi përfundimtar.

/vizionplus.tv