Vlore, radhe te gjata per pasaportat biometrike

Radhe te gjata ne sportelet e aplikimit per pasaporta biometrike. Shumica e te interesuarve per te aplikuar per to jane emigrantet te cilet, para se te kthehen per ne vendin ku punojne dhe jetojne, shfrytezojne kohen per te kryer procedurat per pajisjen me pasaportat e reja.

Shkak per krijimin e kaosit eshte mungesa e punonjesve te kesaj zyre. Per te perballuar fluksin ka vetem nje punonjese, sepse operatoret e tjere jane shperndare ne disa komuna te tjera te Vlores.

Mesohet se prefekti i qarkut, Hasan Halili, i ka kerkuar firmes private qe ka fituar tenderin e prodhimit te pasaportave dhe kartave te identitetit te shtoje punonjesit per te mos krijuar radhe te gjata, por kerkesa e prefektit nuk eshte marre parasysh nga firma private.

Nderkohe, kjo e fundit nuk ben publike shkaqet e krijimit te ketij kaosi, si dhe sasine e numrit te aplikimeve deri me tani. Nderkohe, para sporteleve shume emigrante zene radhet qe ne oret e mesnates, per te mbaruar procedurat brenda dites, por ka dhe nga ata qe nuk mbarojne pune dhe jane te detyruar te rizene radhen diten tjeter.