Vokshi: PS dhe Rama bllokojnë qëllimisht hetimin parlamentar për koncesionet në Shëndetësi
Ndërsa po mbushen 3 muaj kur Komisioni i Posaçëm hetimor për koncesionet në Shëndetësi po punon, kryetarja e këtij komisioni Albana Vokshi vijon të denoncojë kryeministrin Edi Rama dhe socialistët se po bllokojnë qëllimisht hetimet në punën parlamentare.
Vokshi denoncoi braktisjen e komisionit nga socialistët disa herë rresht duke thënë se kjo është një manovër për të penguar krejt punët e komisionit.
“Mazhoranca bojkoton me qëllimin e vetëm pengimin e hetimeve të dy koncesioneve abuzive dhe kjo është mazhoranca e PS dhe e Edi Ramës”, tha Vokshi në deklarate të posaçme nga zyrat e kuvendit.
Një ditë më parë socialistët bojkotuan komisionin që po heton koncesionet në Shëndetësi.
Gazetare: Sonila Agostini
/rtsh.al/