Vrasësi i Nikulajt mbetet në qeli, fati i Ruben Saraivës vendoset në 20 mars
Portugezi Ruben Saraiva i akuzuar për vrasjen e biznesmenit Ardian Nikulaj, prillin e vitit të shkuar, në Shëngjin, do të qëndrojë në burg duke pritur datën 20 mars për të parë vendimin e gjykatës se çfarë do të ndodhë me masën e sigurisë ndaj tij.
Sipas avokatit të tij, prokuroria nuk ka prova por vetëm dyshime.
Ndërkohë Saraiva vazhdon të mohojë akuzat për përfshirjen e tij në vrasjen e biznesmenit Ardian Nikulaj.
Në deklarimet para hetuesve, portugezi ka qëndruar stoik duke hedhur poshtë çdo akuzë për vrasjen e biznesmenit.
Ruben Saraiva u ekstradua nga Maroku me 21 dhjetor 2023, për vrasjen e biznesmenit Nikulaj në lokalin e këtij të fundit./vizionplus.tv