Vrasja e taksistit Tarelli burg perjete per autorin Revani
Sonila Mesareja
Tensioni dhe dhuna fizike ka shoqeruar perfundimin e gjyqit ne Gjykaten e Korces per vrasjen e taksistit Fredi Tarelli. Duke pritur vendimin familjaret e viktimes kane reaguar disa here ne salle ndaj trupit gjykues dhe avokateve te te pandehurve duke kerkuar denimin maksimal te autoreve. Nderkohe dhenia e vendimit solli reagimin e familjareve te te pandehurit Revani i cili u denua nga gjykata me burgim perjete. Por ndersa ata jane nxjerre jashte nga policia ne perfundim te gjyqit do te kishte nje tjeter perplasje mes paleve ku te afermit te viktimes do te ushtronin dhune ndaj atyre te te pandehurve situate qe kerkoi nderhyrjen e menjehershme te policise.
Vendimi
Trupi gjykues ka denuar me burgim perjete te pandehurin Elkjero Revani dhe 16 vjet burg per te pandehurin minoren Arnest Xhacka te cilesuar si dy autoret kryesore te vrasjes. Por ky ka qene momenti i reagimit te familjareve te te pandehurve te cilet nuk ishin dakord me masat e denimit te cilat u jane dukur te larta. Dhe si te mos mjaftonte gjendja e tensionit per dy ore ne sallen e gjyqit palet kane vijuar sherrin edhe jashte gjykates. Familjaret e viktimes kane sulmuar prinderit e Revanit dhe nuk ka munguar as perleshja fizike mes tyre. U desh nderhyrja e forcave te policise per te ndare dy grupet e familjareve dhe per te qetesuar situaten e krijuar. Referuar verdiktit perfundimtar Elkjero Revani 23 vjec ka marre denimin me te rende perkatesisht me burg perjete per akuzen e vjedhjes me pasoje vdekjen e taksistit pasi e ka goditur viktimen me cekan ne koke ndersa 17-vjecari Arnest Xhacka eshte denuar me 16 vjet pasi ka qelluar taksistin me arme. Ne vijim te shpalljes se vendimit gjykata denoi me 8 vjet heqje lirie te pandehurin Domeniko Kumria nga Elbasani i akuzuar se strehoi autoret dhe hodhi makinen ne lumin Shkumbin. Gjykata ka denuar edhe Kastriot Papleken me 5 vjet per pengimin e zbulimit te se vertetes dhe dy minorenet e tjere Amarildo Selmani dhe Jurgen Zeqja me nga 6 muaj burg.