Vrasje për një “kafe” në Manzë/ Dorëzohet në polici Gëzim Allçi, ishte në kërkim për moskallëzim krimi

Gëzim Allçi, i cili ishte shpallur në kërkim nga policia e Durrësit për ngjarjen e ndodhur pak muaj më parë në Manzë, për konfliktin që nisi mes disa të rinjve për një “kafe” është dorëzuar në polici.

Ai akuzohet për moskallëzim krimi, përkrahje të autorit dhe armëmbajtje pa leje.

Gjatë dorëzimit në komisariatin e policisë, i shoqëruar edhe nga një avokat, Allçi ka dorëzuar edhe një pistoletë me gogla, me pretendimin se atë kishte në momentin e ngjarjes.