Vritet një grua në Prizren, arrestohet i shoqi i saj

Një tjetër krim brenda familjes trondit Kosovën. Një vrasje e rëndë ka ndodhur në orët e para të ditës së sotme në një banesë në Prizren, ku një burrë dyshohet se ka mbytur me duar bashkëshorten e tij.

Rasti është konfirmuar nga Policia Rajonale e Prizrenit. Sipas informacioneve të para, viktima është një grua e moshuar, 80-vjeçare, ndërsa i dyshuari është 81-vjeçar.

Rasti tronditës ka ndodhur në shtëpinë e çiftit, ndërsa pas ekzaminimit të vendit të ngjarjes nga hetuesit e policisë, ka nisur hetimi për veprën penale “Vrasje e rëndë”.

Trupi i pajetë është dërguar në morgun e Prishtinës, ndërsa i dyshuari është intervistuar dhe me vendim të Prokurorit të Shtetit është ndaluar për 48 orë.