Xhokoviç: ende probleme, por nuk është arrestuar

Vazhdon odiseja e Novak Xhokoviç në Australi, i cili megjithatë nuk është ndalur nga autoritetet australiane. Kjo u raportua nga burime qeveritare dhe tenisi për gazetën australiane The Age. Megjithatë, tenisti serb është ende në pritje të vendimit të ministrit të Emigracionit, i cili ende mund ta dëbojë pasi nuk është i vaksinuar kundër Covid.

Daily Telegraph: Xhokoviç është arrestuar

Gazeta “Daily Telegraph” kishte raportuar fillimisht lajmin për arrestimin e Xhokoviç, duke shpjeguar se qeveria australiane synonte ta përjashtonte atë, pavarësisht vendimit të gjyqtarit dhe të përsëriste ndalimin e hyrjes në vend për kampionin serb.

Xhokoviç, fjalët e vëllait të tij

“Informacionet e fundit thonë se duan ta bllokojnë. Aktualisht jemi duke u konsultuar me avokatë”, tha vëllai i numrit një të tenisit botëror. “Novak është me avokatët e tij dhe po shqyrton të gjitha opsionet. Ishte një humbje e madhe për autoritetet australiane dhe për këtë ata duan të godasin”, shpjegoi Djordje Gjokovic për një TV serb.

Burime të qeverisë australiane: Nuk është arrestuar

Disa burime të njëjta nga qeveria australiane dhe organizata e Open, të cituara nga gazetat The Age dhe Sydney Morning Herald, mohuan lajmin e arrestimit: Novak Gjokovic nuk është arrestua.