ZVICËR – Scholz: Rusia duhet të përfshihet në procesin e paqes në Ukrainë

BURGENSTOCK (Zvicër), 16 qershor /ATSH-DPA/ – Kancelari gjerman Olaf Scholz është shprehur në favor të përfshirjes së Rusisë në një proces paqeje për Ukrainën.

“Është e vërtetë se paqja në Ukrainë nuk mund të arrihet pa përfshirë Rusinë”, deklaroi Scholz në konferencën e paqes në Zvicër.

Në të njëjtën kohë, ai i bëri thirrje Rusisë që të tërhiqet plotësisht nga Ukraina e pushtuar pjesërisht.

“Rusia mund t’i japë fund kësaj lufte sot ose në çdo kohë nëse ndalon sulmet e saj dhe tërheq trupat e saj nga Ukraina”, shtoi Scholz.

Rusia deri më tani ka refuzuar të dëgjojë thirrjen për paqe në bazë të së drejtës ndërkombëtare dhe Kartës së OKB-së.

Më shumë se dy vjet pas sulmit rus në Ukrainë, samiti në Burgenstock, një kreshtë malore mbi liqenin e Lucernës, synon të eksplorojë mënyra për të arritur paqen në Ukrainë.

Më shumë se 90 vende marrin pjesë.

Megjithatë, Rusia nuk është ftuar.

Kina, aleatja më e rëndësishme e Rusisë, e ka anuluar./ a.jor.