Zaganjori: Më vjen keq që nuk më votoi opozita, por besoj se nuk ishte paragjykim për punën time

Kryetari i Gjykatës së Lartë, Xhezair Zaganjori, në një intervistë për GSH, thotë se i vjen keq që opozita nuk votoi propozimin e presidentit për ta emëruar atë kryetar.

Por ai thotë se vendimi i opozitës ishte politik dhe jo një paragjykim për të.

Nuk besoj që opozita ka paragjykuar punën time, nuk dua ta besoj këtë dhe nuk besoj se kjo ishte arsye që nuk më mbështeti në Kuvend. Kam bindjen se vendimi i saj duke refuzuar emrin tim është çështje politike dhe nuk ka të bëjë me mua. Kjo është një zgjedhje e opozitës dhe nuk më takon të merrem me vendimet politike, tha Zaganjori, duke premtuar bashkëpunim me opozitën./ep