Zelensky: Duam garanci thelbësore për sigurinë e Ukrainës

Në një konferencë të përbashkët pwr mediat me kryeministrin holandez Dick Schoof në Hagë, më 16 dhjetor 2025, presidenti ukrainas Volodymyr Zelensky deklaroi se Ukraina dhe partnerët ndërkombëtarë po shqyrtojnë disa blloqe garancish sigurie thelbësore për sigurinë e vendit të tij.

Zelensky theksoi se një nga këto është Koalicioni i Vullnetmirë ajo që Evropa mund të ofrojë, me pjesëmarrjen e vendeve si Kanadaja dhe Japonia, pavarësisht statusit të tyre jo-evropian.

“Çdo një prej këtyre vendeve do të demonstrojë mbështetjen e tyre” tha ai.

Më i rëndësishmi, sipas presidentit Zelensky, është pakti bilateral me Shtetet e Bashkuara.

“Neni 5 është një nga garancitë bilaterale të sigurisë nga SHBA-ja. Kemi punuar detajet dhe po vazhdojmë. Duhet të jenë garanci të forta ligjore, të mbështetura nga Kongresi amerikan, jo si Budapest apo Minsk”, nënvizoi Zelensky.

Një bllok tjetër i rëndësishëm janë garancitë nga Bashkimi Evropian, kryesisht ato ekonomike.

“Kjo do të thotë anëtarësim në BE. Ne e shohim këtë si pjesë të garancive të sigurisë. Nëse partnerët janë gati të mbështesin sigurinë tonë, ata do të mbështesin edhe anëtarësimin tonë në BE”, shtoi ai, duke pranuar se data e saktë dhe kushtet e tjera ende nuk janë të qarta.

Këto deklarata vijnë në një ditë intensive diplomatike, pas nënshkrimit të traktatit për Komisionin Ndërkombëtar të Kërkesave për Ukrainën dhe bisedimeve në Berlin për paqen.

Zelensky përsëriti nevojën për garanci të forta dhe të zbatueshme për të shmangur përsëritjen e gabimeve të së kaluarës, duke theksuar se çdo marrëveshje paqeje duhet të garantojë sigurinë afatgjatë të Ukrainës.

/rtsh.al/