Zelensky bisedon me Witkoff dhe Kushner: Të rivitalizohet diplomacia për të sjellë paqen

Presidenti ukrainas Volodymyr Zelensky zhvilloi sot një bisedë me të dërguarit amerikanë Steve Witkoff dhe Jared Kushner.

“Biseda ishte pozitive dhe e rëndësishme për mënyrat se si të rivitalizojmë diplomacinë dhe ta sjellim paqen më afër,” shkroi Zelensky në platformën X.

Ai shtoi se të dyja palët do të qëndrojnë në kontakt të ngushtë.

Sipas burimeve, biseda u fokusua në përpjekjet për të ringjallur procesin diplomatik lidhur me luftën në Ukrainë.

Zelensky theksoi rëndësinë e dialogut të drejtpërdrejtë me figurat kyçe të administratës amerikane.

Më herët gjatë së njëjtës ditë, presidenti Zelensky pati zhvilluar një bisedë edhe me ambasadorin amerikan në NATO, Matthew Whitaker

Kjo bisedë vjen në një moment kur përpjekjet diplomatike për zgjidhjen e konfliktit ruso-ukrainas po marrin një impuls të ri, me pjesëmarrjen e figurave të afërta me administratën Trump si Jared Kushner (ish-këshilltar i lartë i Presidentit Trump dhe ish-burrë i Ivanka Trump) dhe Steve Witkoff, i njohur si biznesmen i afërt me Trump.

Zelensky nuk dha detaje të tjera teknike për përmbajtjen e bisedës, por mesazhi i tij thekson optimizmin për një angazhim më aktiv amerikan në drejtim të një zgjidhjeje paqësore.

/rtsh.al/