Zgjedhja e kreut të AMA-s, Basha: U hodh poshtë thirrja e partnerëve për ta shtyrë në shtator!

Kryetari i PD-së Lulzim Basha ka reaguar sot në lidhje me zgjedhjen e kryetares së re të AMA-s në seancën e sotme plenare të Kuvendit. Në reagimin e tij, Basha shprehet se Kuvendi hodhi poshtë thirrjen e BE dhe OSBE për të shtyrë në shtator votimin për kreun e AMA-s.

““E ka fajin Europa” llomotit poshtë e lart, për të fshehur dështimin e tij dhe pengimin e Shqipërisë. Por sapo i jepet një shans për të vepruar në shërbim të interesave të vendit, sikurse kërkuan BE dhe OSBE, zgjedh të bëjë të kundërtën, duke hedhur poshtë thirrjen e partnerëve për të shtyrë në shtator votimin për AMA. Kjo nuk është forcë, po harbutëri në dëm të të gjithë shqiptarëve dhe të Shqipërisë”, shprehet Basha.