Zgjedhja e papës vazhdon sot

Kardinalët katolikë romakë takohen përsëri të mërkurën në Vatikan për përpjekjen e tyre të dytë për të zgjedhur pasardhësin e Papa Benediktit, i cili dha dorëheqjen muajin e kaluar.
 
Të 115 kardinalët pjesëmarrëse në votim u mblodhën të martën pas dyerve të mbyllura në fshehtësi të plotë në Kapelën Sistine, por takimi i tyre përfundoi pa zgjedhur një udhëheqës të ri të Kishës.
 
Mijëra njerëz sfiduan shiun për të pritur rezultatet dhe panë vetëm tymin e zi nga oxhaku në çatinë e kapelës. Tymi i zi nënkupton se një papë i ri nuk është zgjedhur.