Zgjedhjet e 11 majit, Proda mesazh efektivëve: Tregoni maturi dhe profesionalizëm

Këtë të shtunë, 10 maj, në ambientet e Drejtorive Vendore të Policisë përfundoi trajnimi dhe instruksionet e dhëna për të gjithë punonjësit e policisë që janë planifikuar për ruajtjen fizike të objekteve zgjedhore, ku do të zhvillohet procesi i votimit.

Drejtuesit e Drejtorive dhe të Komisariateve u kanë përcjellë punonjësve porositë për mbarëvajtjen e procesit zgjedhor dhe kanë kërkuar angazhim  dhe gjakftohtësi në përmbushjen e detyrave.

Edhe Drejtori i Përgjithshëm i Policisë së Shtetit, Ilir Proda, është shprehur se efektivët duhet të tregojnë maturi dhe të profesionalizëm në punë  e tyre.

“Ju përgëzoj për përkushtimin dhe profesionalizmin e deritanishëm nga ana juaj dhe e drejtuesve tuaj, dhe ju inkurajoj që këto ditë finale të jenë pasaportë besimi dhe vlerësimi nga qytetarët dhe ndërkombëtarët për Policinë e Shtetit. Maturi, gjakftohtësi dhe ligji si udhërrëfyes, për ta përmbushur me sukses këtë detyrë të shenjtë në interes të qytetarëve dhe të vendit”, tha Proda.

Më 11 maj, qytetarët i drejtohen kutive të votimit për të zgjedhur 140 deputetët e parlamentit të ri.

/rtsh.al/