Zgjedhjet per Parlamentin Evropian

Prej ores 7 te mengjesit (ora lokale) ne Greqi u hapen kutite e votimit per zgjedhjet e 22 perfaqesuesve te vendit ne Parlamentin Europian.

Te regjistruar ne listat e zgjedhjeve me te drejte vote jane 9.800.000 qytetare greke, ndersa procedura zgjedhore eshte kryer ne 20.435 qendra votimit. Ne Janine ka votuar presidenti i vendit, Karolos Papulias, ndersa ne Selanik kryeministri Kostas Karamanlis.

“Zgjedhim sot me voten tone perfaqesuesit tane ne PE, votojme per te sotmen dhe te ardhmen e Greqise brenda ne familjen europiane, votojme per nje Greqi me te fuqishme, per nje BE me rezultativ, me social, me nje ze me te fuqishem per ceshtjet e medha nderkombetare”, deklaroi Karamanlis.

Duke pritur sot fitoren e tij te pare ndaj konservatoreve kryesocialisti grek Papandreu ka ushtruar te drejten e tij te votes ne kryeqytet.

“Sot eshte dita e pjesemarrjes, dita e forces se qytetarit, dita e zgjedhjes per Europen dhe Greqine, dita e shpreses se madhe per nje fillim te ri per cdo grek dhe greke, per Greqine qe duam dhe per Greqine qe meritojme”, eshte shprehur Papandreu.