Zielinski dhe Szczesny udhëheqin, Lewa zhbllokohet: Polonia mund

Ka gjurmë të Serisë A në fitoren e Polonisë ndaj Arabisë Saudite: 2-0 në ditën e dytë të grupit C në Kupën e Botës në Katar. Në fakt, ishte një gol i mesfushorit “napolitan”, Zielinski dhe një penallti e shpëtuar nga portieri i Juventusit, Szczesny që i dha polakëve suksesin, njëkohësisht dhe parakalimin e arabëve në renditje (4 pikë me 3). Leëandoëski shënoi finale, nuk ka një sukses të dytë për Renard pas triumfit ndaj Argjentinës.

Polonia falenderon Serinë A dhe merr fitoren e parë të Botërorit të saj në Katar, 2-0 ndaj Arabisë Saudite në raundin e dytë të grupit C. Nënshkrimi i napolitanit Zielinski, autori i golit 1-0 dhe formës së portierit të Juventusit, Szczesny që priti penalltinë, që mund të kishte sjellë barazimin, të gjitha në fund të pjesës së parë. Leëandoëski mbyll llogaritë tetë minuta nga fundi dhe festoi golin e tij të parë në karrierë në Kupën e Botës.

Polonia me 4 pikë, ka parakaluar Arabinë Saudite të Renardit, e cila ndaloi në 3 pikë dhe nuk mundi të përsëriste suksesin e debutimit ndaj Argjentinës. Arabia Saudite ishte e para që u bë e rrezikshme në minutën e 13-të me një goditje nga Kanno, i cili ngrohi dorezat e Szczesny-t. Përgjigja polake erdhi në minutën e 25-të me goditje me kokë të Bielik, I cili u refuzua një metër para vijës së portës nga Al Shehri.

Arabët bëjnë lojën, por në minutën e 39-të vjen avantazhi i papritur i Polonisë: Zielinski gjuan nën traversë në një portë praktikisht të boshatisur. Por kalojnë vetëm katër minuta dhe Arabia Saudite ka një shans të menjëhershëm për të barazuar. Arbitri, pas një kontrolli në Var, vlerëson një penallti të Kiëior ndaj Al Shehrit, por Szczesny bën një mrekulli të dyfishtë në harkun kohor të dy sekondave: fillimisht ai neutralizon goditjen e Al Daësarit nga 11 metra, më pas neutralizon Al Breik.

Dhjetë minuta kalojnë në pjesën e dytë dhe Szczesny përsëri vendimtar dhe përsëri ndaj Al Daësari. Arabia Saudite shtyn dhe luan më mirë si në pjesën e parë, Polonia mbrohet me 11 dhe përpiqet të mbështetet në kundërsulme. Al Buraikan prek shtyllën në minutën e 58-të, Milik dhe Leëandoëski godasin traversën dhe shtyllën në minutën e 62-të dhe 65-të.

Në minutën e 77-të, Arabia Saudite ishte përsëri afër barazimit me Al Malkit, ndërsa katër minuta më vonë një gabim i mbrojtjes së Renard  I jep mundësinë Leëandoëskit të dyfishojë rezultatin, 2-0. Sulmuesi I Barcelonës nënshkruan kështu golin e parë të karrierës së tij në Botëror. Për Arabinë Saudite, një disfatë që vjen si një “shaka e hidhur” kundër një Polonie cinike.