Zihen per radhen e ujit, plagosen tre komshinjte
Keshtu ka ndodhur mes tre qytetareve te Sarandes, pas nje grindjeje qe kishte per shkak padurimin ne mbushjen e eneve me uje. Ka qene ora 01:00 e mengjesit te djeshem, kur tre banore te te njejtit pallat, ne afersi te kompleksit “Joni”, ne lagjen Koder te Sarandes, jane konfliktuar keqas me njeri-tjetrin.
Ajo qe ka vendosur “drejtesi” ne debatin per radhen e marrjes se ujit mes Harrallamb e Spiro Vajes dhe Kaso Sules, kane qene armet e ftohta, te cilat jane perdorur pasi fjala nuk ka bere vend.
Jo vetem qe banoret nuk kane mundur te mbushin enet me uje, por qe te tre kane perfunduar ne urgjencen e spitalit te qytetit. Mjeket i kane qetesuar familjaret e tre gjaknxehteve per gjendjen e tyre shendetesore, pasi tashme jane jashte rrezikut per jeten.
Bluzat e bardha kane vendosur t’i mbajne gjate gjithe dites se djeshme ne kontroll mjekesor tre sarandjotet e “sakrifikuar” per piken e ujit ne mesin e nates. Kaq pak serioze eshte gjykuar edhe nga ata qe vete jane perfshire ne kete grindje per ujin dhe familjaret e tyre, sa ne policine e Sarandes thane se askush nuk eshte drejtuar per te bere denoncim.
Ne keto kushte nuk mund te kete procedim penal per asnje nga personat e perfshire ne sherrin banal. Ndonese nje nga zonat me te lakmuara per pushimet, jo vetem nga vendasit, por te huajt, Saranda vazhdon te vuaje krizen per ujin e pijshem. Ndonese per Qesko Cakallin, drejtor i Ndermarrjes se Ujesjellesit, ku tashme jane aksioniere pese njesi te qeverisjes vendore, furnizimi me uje te pijshem eshte mjaft i mire, mjaft zona “thahen” per uje. Ne disa zona te hartes se Sarandes vera eshte kthyer ne “stine pagjumesie” per banoret. B
lloqe te tera pallatesh ne zonat e konsideruara te reja te banimit, sic jane ato poshte Lekuresit, mbi spital apo mbi stadiumin e qytetit, tek ish-regjimenti, e kohet e fundit edhe tek ish-pika e shitjes se vajgurit ne lagjen Koder ne Sarande, jane "zonat e ndaluara", ku ujesjellesi nuk con uje. Mesatarisht qyteti merr jo me pak se 6 ore uje ne dite.
Por ne kete mesatare qe raportohet, "humbasin" ata qindra banore qe u shkon uji kur ata duhet te flene dhe koha e furnizimit eshte aq e shkurter, sa ata duhet "te theren" me njeri-tjetrin, qe te mbushin dy bidone uje. Te tjeret jane edhe me te ndeshkuar, por me "te fituar" nga harresa e ujesjellesit, pasi nuk kane pare te pikoje asnje dite uje ne cezmat e tyre, por keshtu mungon edhe shkaku i sherreve dhe i perleshjeve fizike.
Ata "vrasin" vetem xhepin, duke e blere ujin me autobote, por nuk vrasin njeri. Kur shpirti u vete ne maje te hundes dhe vendosin te trokasin nje here te dyert e drejtuesve te Ndermarrjes se Ujesjellesit, pergjigjja qe marrin eshte: "Kur t'u vije linja, do t'ju vije edhe uji. Ne nuk jemi ndermarrje investuese, por furnizuese".