Zjarr në afërsi të Liqenit të Viroit, ndërhyjnë zjarrfikësit

Një zjarr ka rënë në afërsi të Liqenit të Viroit në Gjirokastër, ku kanë marrë flakë kullotat.

Forcat zjarrfikëse të Gjirokastrës kanë konstatuar në kohë vatrën e zjarrit dhe kanë ndërhyrë menjëherë për izolimin e saj, duke parandaluar përhapjen e flakëve në një sipërfaqe më të madhe.

Falë ndërhyrjes së shpejtë të shërbimit zjarrfikës, zjarri është shuar plotësisht. Nga ngjarja nuk raportohet për dëme të tjera.