Zv/presidenti i Parlamentit Evropian, dënon dhunën e policisë ndaj protestuesve në Tiranë

Zv/presidenti i Parlamentit Evropian, Niku Stefanuta, ka reaguar për ngjarjet e protestës së zhvilluar në Tiranë, duke dënuar dhunën e ushtruar nga policia ndaj protestuesve.

Përmes një postimi në Instagram, Stefanuta ka publikuar pamje nga përplasjet gjatë protestës, ndërsa e ka cilësuar të papranueshme dhunën e ushtruar ndaj qytetarëve.

“Dhuna e policisë ndaj protestuesve është e papranueshme”, shkruan zv/presidenti i Parlamentit Evropian në reagimin e tij, duke shoqëruar mesazhin me video nga momentet e tensionit në kryeqytet.

Reagimi i Stefanutës vjen pas përplasjeve mes protestuesve dhe forcave të policisë gjatë protestës së fundit në Tiranë, ngjarje që ka ngjallur reagime edhe në arenën ndërkombëtare.